Клаўдзія Сямёнаўна Трысцень (Сачанка) (нар. 13 красавіка 1941, вёска Зеляночы Васілевіцкага (зараз — Калінкавіцкага) раёна Гомельскай вобласці) — беларуская доктарка, педагог, паэтка. Арганізатар рэгіянальнай і нацыянальнай дзіцячай стаматалагічнай сістэмы. Аўтар больш за 50 паэтычных твораў.
Кандыдат медыцынскіх навук. Аўтар 4 манаграфій, больш за 200 навуковых артыкулаў, 44 навукова-папулярных у газетах і часопісах, 3 зборнікаў вершаў, 1 паэмы, больш за 50 паэтычных твораў. Піша на беларускай і рускай мовах. Жыве ў горадзе Баранавічы. Замужам. Мае двух сыноў [1].
Нарадзілася ў сям’і Сямёна Еўстафьевіча і Марыі Рыгораўны Сачанак, у якой акрамя сваіх пяці дзяцей выхозваўся яшчэ і пляменік, які рана страціў маці. Скончыла ў 1958 годзе Скрыгалаўскую сярэднюю школы (Мазырскі раён), пасля чаго паступае ў Мінскае зубаўрачэбнае вучылішча, якое скончвае ў 1962 годзе. Пасля двухгадовай работы ў Рэсцянскай вучастковай бальніцы (Чаўскі раён Магілёўскай вобласці) паступае ў Мінскі дзяржаўны медыцынскі інстытут на стаматалагічны факультэт. Пасля заканчэння інстытута ў 1969 годзе працуе дзіцячым стаматолагам, загадчыкам аддзялення (з 1975), галоўным урачом (з 1985 да 2002 года) Баранавіцкай дзіцячай стаматалагічнай паліклінікі [2]. У 1992 годзе абараняе кандыдатскую дысертацыю на тэму «Прафілактыка карыеса ў дзяцей горада з нізкім утрыманнем фтора ў вадзе». У 1998 годзе ўдзельнічала ў распрацоўцы Нацыянальнай праграмы прафілактыкі карыеса зубоў і хвароб перыядонта сярод насельніцтва Рэспублікі Беларусь. У 2002—2004 гг. працавала ў Баранавіцкім дзяржаўным вышэйшым педагагічным каледжы. З 2004 года — ў Баранавіцкім дзяржаўным універсітэце: загадчыкам кафедры спецыяльных дысцыплін дашкольнай адукацыі (да 2006 г.), дацэнтам кафедры дашкольнай адукацыі і тэхналогіі (да 2017 г.)[3], дацэнтам кафедры тэорыі і практыкі фізічнай культуры. Пры падтрымцы Фонда Дрэйфуса паспяхова реалізавала ў 2005—2006 гг. праект па зніжэнню колькасці карыеса ў дзяцей горада Баранавічы. З’яўлаецца экспертам і ўдзельнікам праекта «Студэнцкая майстэрня інавацый» БарДУ. Сябра рэдакцыйнай калегіі часопіса «Целитель». Актыўны папулізатар здаровага ладу жыцця [4] [5]. Аўтар 44 навукова-папулярных артыкулаў у газетах і часопісах.
1968 — Ганаровая грамата Мінскага абкама камсамолу 1981 — Ганаровая грамата аддзела аховы здароўя Баранавіцкага гарадскога выканаўчага камітэта 1983 — Дыплом ВДНГ СССР 1984 — Ганаровая грамата Баранавіцкага гарадскога камітэта КПБ 1986 — Ганаровая грамата Баранавіцкага гарадскога камітэта КПБ 1990 — значок «Выдатнік аховы здароўя» 2001 — Ганаровая грамата Міністэрства аховы здароўя і Беларускай стаматалагічнай асацыяцыі. 2007, 2008, 2011, 2013 — Ганаровая грамата Баранавіцкага дзяржаўнага ўніверсітэта.
Манаграфіі
Навуковыя і навукова-метадычныя выданні
Зборнікі вершаў
Некаторыя літаратурна-мастацкія творы