У Вікіпедыі ёсць артыкулы пра іншых асоб з прозвішчам Масейс.
Квенцін Масейс (Квінтэн Мецейс, нідэрл.: Quinten Massijs, Quinten Matsys/Metsys; 10 верасня 1465, Лёвен, Паўднёвы Брабант — 13 ліпеня/16 верасня 1530, Антверпен) — фламандскі жывапісец.
Масейс нарадзіўся ў 1465 годзе ў Лёвене, дзе першапачаткова навучаўся кавальскай справе. Вучыўся, верагодна, у майстэрні Альберта Баўтса, куды паступіў, каб бачыцца з яго дачкой, у якую быў закаханы. У 1491 годзе Масейс прыбыў у Антверпен, дзе адкрыў сваю майстэрню і ўступіў у Гільдыю жывапісцаў. Працягваў жыць і працаваць у гэтым горадзе да канца сваіх дзён.