У Вікіпедыі ёсць артыкулы пра іншых асоб з прозвішчам Шулаева. Кацярына Львоўна Шула́ева (нар. 15 красавіка 1950, Мінск) — беларускі архітэктар-горадабудаўнік.
Скончыла ў 1972 годзе Беларускі політэхнічны інстытут. З 1972 года архітэктар, старшы архітэктар, вядучы архітэктар, галоўны архітэктар у «БелНДІПгорадабудаўніцтва».
Член Саюза архітэктараў СССР з 1977 года.
Пражывае ў Мінску па Камуністычнай вуліцы, 7.
Асноўныя працы: генпланы Івянца (1973), Ветрына (1974), Лепеля (1975), Баранавічаў (2004), Пінска (2007), Маларыты (2010), Лунінца, Століна; ПДП жылых раёнаў Маларыты (1976), Оршы (1980); схема генплана і ПДП Крупак (1985). У аўтарскім калектыве: праекты прыгарадных зон Віцебска, Наваполацка, Полацка (1974).