У Вікіпедыі ёсць артыкулы пра іншых асоб з прозвішчам Пятрова. Кацярына Васілеўна Пятро́ва[1] (21 лістапада 1904 — 26 студзеня 1985) — вучоны ў галіне ветэрынарыі, доктар ветэрынарных навук (1956), прафесар (1958).
Нарадзілася ў горадзе Алатыр (адміністрацыйны цэнтр Алатырскага раёна Чувашыі). У 1929 годзе скончыла Казанскі фармацэўтычны тэхнікум і працавала загадчыкам аптэкай[2] Казанскага ветэрынарнага інстытута. У 1934 годзе скончыла Казанскі ветэрынарны інстытут. Працавала ў ім у 1935—1937 і 1938—1940 гадах асістэнтам кафедры фармакалогіі[3]. У 1937—1938 і 1940—1941 гадах на кафедры фармакалогіі і таксікалогіі Віцебскага ветэрынарнага інстытута[3]. З 1941 года К. В. Пятрова працавала ветэрынарным урачом у калгасе, у 1944—1946 гадах — дацэнт кафедры фармакалогіі Куйбышаўскага медыцынскага інстытута[3]. У 1946—1973 гадах на пасадзе загадчыка кафедры фармакалогіі і таксікалогіі.
Аўтар навуковых прац па фармакалогіі і таксікалогіі лекавых рэчываў, больш за 60 артыкулаў. Пад кіраўніцтвам К. В. Пятровай падрыхтаваны 4 кандыдацкіх і адна доктарская дысертацыі[2].
Сярод апублікаванага:
На працягу 12 гадоў абіралася дэпутатам Віцебскага гарадскога Савета народных дэпутатаў[2].