Кару́н (перс.: کارون — кору́:н) — найбольш паўнаводная і адзіная суднаходная рака на тэрыторыі Ірана. Працякае на паўднёвым захадзе краіны.
Бярэ пачатак у правінцыі Чармахаль і Бахціярыя(бел. (тар.)) бел. ў гарах Загрос. Ніжняе цячэнне па Месапатамскай нізіне. Упадае ў Шат-эль-Араб (Арвандруд)(бел. (тар.)) бел. у горадзе Харамшахр. Даўжыня ракі — 950 (820[1]) км. Дэльта Каруна ўтварае востраў Абадан, на якім размешчаны аднайменны горад. Плошча вадазбору каля 60 000[1] км². Сярэдні расход вады каля 770[1] м³/с. Вада з ракі выкарыстоўваецца галоўным чынам на арашэнне.