Кармано́ўскае — возера ў Бялыніцкім раёне Магілёўскай вобласці Беларусі ў басейне ракі Клява, за 16 км у напрамку на паўночны захад ад горада Бялынічы, за 0,1 км на захад ад вёскі Карманоўка.
Плошча паверхні возера 0,3 км². Даўжыня 0,75 км, найбольшая шырыня 0,62 км. Даўжыня берагавой лініі 2,25 км. Найбольшая глыбіня 7,5[1] м. Аб’ём вады каля 1[1] млн. м³.
Катлавіна возера рэшткавага тыпу, круглаватай формы. Схілы катлавіны спадзістыя. Вышыня схілаў 3—5 м. Вакол возера забалочаная пойма[1]. Берагі нізкія, пясчаныя[1], месцамі забалочаныя. Мелкаводдзе вузкае і пясчанае[1]. Дно выслана слоем сапрапелю.
У возеры водзяцца шчупак звычайны, акунь, плотка, карась.