Карл Фослер (ням.: Karl Vossler, 6 верасня 1872, Хоэнхайм, паблізу Штутгарта — 19 верасня 1949, Мюнхен) — нямецкі лінгвіст, літаратуразнаўца і філосаф. Заснавальнік уласнай лінгвістычнай школы — т. зв. «Школы Фослера», найбуйнейшым прадстаўніком якой, акрамя яго, быў Леа Шпіцэр. Адным з вучняў Фослера быў Віктар Клемперэр, знакаміты сваім даследаваннем мовы Трэцяга рэйха «LTI».
Па асноўнай спецыяльнасці Фослер (як і большасць яго вучняў) быў раманістам. Адзін з найбуйнейшых нямецкіх даваенных філолагаў у гэтай галіне, Фослер стварыў двухтомнае даследаванне «Боскай камедыі» Дантэ і поўны яе пераклад белым вершам, над якім працаваў усё жыццё; даследаваў творчасць французскіх і італьянскіх пісьменнікаў.