Карл Брокельман (ням.: Carl Brockelmann; 17 верасня 1868, Ростак — 6 мая 1956, Гале) — нямецкі усходазнавец (арабістыка, семіталогія).
Вучань Т. Нёльдэке.
З 1900 года — прафесар універсітэтаў Брэслаў, Кёнігсберга, Гале, Берліна, у 1923—1936 гадах — Брэслаў, з 1946 года — Гале.
З яго прац найбольшае значэнне мае біябібліяграфічны даведнік «Гісторыя арабскай літаратуры» — збор звестак пра арабскіх і арабамоўных пісьменнікаў і навукоўцаў, у т. л. пра гісторыкаў VII—XX стагоддзяў). З’яўленне гэтай працы, па словах І. Ю. Крачкоўскага, «склала эпоху ў навуцы».
Праца «Гісторыя мусульманскіх народаў і дзяржаў» таксама змяшчае шырокі фактычны матэрыял.