Кароль Юзаф Сапега (да 1718 — 20 сакавіка 1768, горад Вішніцы Берасцейскага ваяводства) — дзяржаўны дзеяч Вялікага Княства Літоўскага. Пісар польны літоўскі (1730—1748), ваявода берасцейскі (з 1748)[2]. Кавалер Ордэна Белага Арла (1766).
З коданскай лініі роду Сапегаў гербу «Ліс», сын Уладзіслава Юзафата і Крысціны з Сангушкаў. Меў брата Ігнація.
Абіраўся паслом на соймы[3]. На элекцыі 1733 падтрымаў Станіслава Ляшчынскага[4], аднак неўзабаве перайшоў на бок Аўгуста Саса. На элекцыі 1763 падтрымаў Станіслава Аўгуста Панятоўскага.
Па смерці брата апекваўся пляменнікамі, распачаў шэраг працэсаў датычна іх маёмасці.