Канторскае — возера ў Расонскім раёне Віцебскай вобласці, за 20 км на паўднёвы захад ад гарадскога пасёлка Расоны, за 1 км на паўночны захад ад вёскі Горкі, у басейне ракі Дрыса.
Плошча паверхні 0,1 км². Даўжыня 0,52 км, найбольшая шырыня 0,28 км. Даўжыня берагавой лініі 1,26 км.
Катлавіна возера выцягнутая ў напрамку з поўначы на поўдзень. Схілы катлавіны вышынёй да 10 м, спадзістыя, параслі лесам. Злучана ручаямі з возерам Сярэдняе і (на поўдні) ракой Дрыса.