У Вікіпедыі ёсць артыкулы пра іншых асоб з прозвішчам Ананчанка.
Канстанцін Ануфрыевіч Ананчанка (3 студзеня 1951, в. Казуліна, Верхнядзвінскі раён, Віцебская вобласць — 11 снежня 2009) — беларускі педагог, матэматык. Доктар педагагічных навук (2004), прафесар (1995).
Скончыў Віцебскі дзяржаўны педагагічны інстытут імя С. М. Кірава (1972), Навукова-даследчы інстытут зместу і метадаў навучання Акадэміі педагагічных навук СССР (аспірантура, 1979), Беларускі дзяржаўны ўніверсітэт (дактарантура, 1997).
Працаваў у Віцебскім дзяржаўным універсітэце імя П. М. Машэрава (1973—2009; прафесар кафедры алгебры і методыкі выкладання матэматыкі, у 1980—1997 — загадчык кафедры).
Навуковыя інтарэсы: методыка выкладання матэматыкі.
Нагрудны значок «Выдатнік адукацыі Рэспублікі Беларусь» (1993).