У гэтага тапоніма ёсць і іншыя значэнні, гл. Каменскае (значэнні).
Ка́менскае — возера ў Беларусі, у Пастаўскім раёне Віцебскай вобласці, за 18 км на паўднёвы ўсход ад горада Паставы, за 1 км на паўднёвы ўсход ад вёскі Вароны, у басейне ракі Смычыца.
Плошча паверхні 0,04 км². Даўжыня 0,26 км, найбольшая шырыня 0,18 км. Даўжыня берагавой лініі 0,68 км.
Размешчана на ўсходнім ускрайку ляснога масіва. На захадзе лугавая нізкая пойма. На паўднёвым усходзе выцякае ручай у раку Смычыца.