Лаўры́ха, Смычыца — рака ў Мядзельскім раёне Мінскай вобласці і Пастаўскім раёне Віцебскай вобласці Беларусі, левы прыток ракі Галбіца (Заражанка).
Даўжыня ракі 21 км. Сярэдні нахіл воднай паверхні 1,6 м/км. Плошча вадазбору 128 км². Пачынаецца з сеткі меліярацыйных каналаў прыкладна за 1,8 км на паўднёвы захад ад вёскі Слабодка Мядзельскага раёна. Упадае ў Галбіцу за 1, 7 км на паўднёвы ўсход ад вёскі Гліншчына Пастаўскага раёна. Рэчышча каналізаванае ў сярэднім цячэнні. Рака прымае сцёк з ручаёў і меліярацыйных каналаў.
У басейне ракі азёры Каменскае, Казлоўскае, Жуцінскае, Доўгае.