Казы́м (руск.: Казы́м[2]) — рака ў Расіі, працякае па тэрыторыі Белаярскага раёна Ханты-Мансійскай аўтаномнай акругі, правы прыток ракі Об.
Даўжыня ракі 659 км, плошча вадазборнага басейна — 35 600 км². Сярэдні расход вады каля 267[2] м³/с. Рака бярэ пачатак з возера Казымтайлор на Сібірскіх Увалах[1]. Працякае па паўночнай частцы Заходне-Сібірскай раўніны. Упадае ў рукаў Горная Об двума рукавамі[1]. Даліна моцна забалочаная. Рэчышча звілістае, меандруючае. Жыўленне пераважна снегавое. Замярзае рака ў пачатку канцы кастрычніка — лістапада, вызваляецца ад лёду ў сярэдзіне мая. Суднаходная на 180 км (ад вусця да пасёлка Верхнеказымскі)[3].
Прытокі Казыма: Лыхма, Атым-Юган, Юргім, Лабат-Юган, Тапры-Юган, Амня, Ун-Вунт-Юган, Ун-Шакр-Юган, Няргі-Юган, Ун-Віс, Кельсі-Юган, Ун-Вош-Юган, Нюрум-Юган, Тунг-Сурт-Юган, Сюнь-Юган, Вуры-Ай-Юган, Юрн-Юш-Ай-Юган і інш.[3]