Казлабаро́д беларускі[3][4], казлабарод літоўскі (Tragopogon bjelorussicus) — від кветкавых раслін роду Казлабарод (Tragopogon) сямейства Астравыя (Asteraceae).
Двухгадовая травяністая расліна вышынёй 30—60[4] см. Сцябло прамастойнае, рабрыстае. Лісце простае, суцэльнае, з гладкім краем і завостранай верхавінкай, сядзячае, чаргаванае па даўжыні сцябла. Кветкавыя кошыкі жоўтага колеру. Плод — рабрыстая сямянка з доўгім носікам[4].
Распаўсюджаны на тэрыторыі Беларусі, Літвы, Украіны[5][6][7]. Святлолюбівая расліна, ксерафіт, мезафіт і мезатроф[8]. Цвіце ў чэрвені[4].