Каге́ра[1] — рака на ўсходзе Афрыкі, у Руандзе, Танзаніі і Угандзе. Лічыцца вытокам Ніла.
Утвараецца зліццём рэк Ньяваронга і Рувуву. Даўжыня ад вытоку да месца ўпадзення ў возера Вікторыя каля 420 км. Разам з прытокам Лукарара даўжыня складае каля 800 км[2]. Рака працякае ў шырокай забалочанай даліне. Сярэдні расход вады 1500 м³/с.
Раку адкрыў у 1876 годзе Г. Стэнлі, даследавалі ў 1892—1893 гг. О. Баўман і інш.[2]