Зябер звычайны[3] (Galeopsis tetrahit) — аднагадовая травяністая расліна, від роду зябер (Galeopsis) сямейства ясноткавыя (Lamiaceae). Тыпавы від роду.
Расце па палях, агародах, пустках, на сыраватай глебе. Меданос.
Сцябло прамое, да 50 см вышынёй, моцна галінастае, пакрытае жорсткімі валасінкамі.
Лісце даўгавата-яйкападобнае, завостранае, густое, з пільчастым краем.
Кветкі ліловыя, каля 1,5 см даўжынёй. Чашачка з пяццю зубцамі, калючая. Ніжняя губа вянца пакрыта плямамі.
Квітнее ў ліпені — жніўні.