Зубін Ме́та (англ.: Zubin Mehta; нар. 29 красавіка 1936, Бамбей, Брытанская Індыя) — індыйскі дырыжор.
Мета нарадзіўся ў арыстакратычнай індыйскай сям’і парсаў, яго бацька Мелі Мета быў вядомым музыкам — скрыпачом і дырыжорам. Мета-малодшы рыхтаваў сябе да кар’еры ўрача, але затым раздумаўся і паступіў у Венскую кансерваторыю, дзе вучыўся дырыжыраванню ў Ханса Свароўскі, паралельна вывучаючы кампазіцыю, гульню на басэтлі і ўдарных. У той жа час займаўся ў музычнай акадэміі Кіджы ў Сіене (Італія) у А. Гальеры і К. Цэкі, дзе пазнаёміўся з Д. Барэнбоймам, сяброўства з якім шмат у чым абумовіла цікавасць Меты да Ізраілю. Пасля заканчэння курса ў 1958 годзе Мета быў запрошаны асістэнтам дырыжора ў Ліверпульскі філарманічны аркестр, у 1960—1967 гг. узначальваў Манрэальскі сімфанічны аркестр, у 1962—1978 гг. быў музычным кіраўніком Лос-Анджэлескага філарманічнага аркестра, у 1978—1991 гг. — Нью-Ёркскага філарманічнага аркестра. У 1969 г. Мета быў запрошаны ў якасці музычнага кансультанта ў Ізраільскі філарманічны аркестр, у 1977 г. прызначаны яго музычным кіраўніком; поспех Меты ў гэтым калектыве быў настолькі вялікі, што ў 1981 г. ён быў аб’яўлены яго пажыццёвым кіраўніком. Паралельна ў 1998—2006 гг. Мета ўзначальваў Баварскую дзяржаўную оперу.
Мэта адыгрывае значную ролю ў ізраільскай культуры. У 1991 г. за ўклад у ізраільскую музычную культуру Метэ была прысуджана Дзяржаўная прэмія Ізраіля.