Зубніца пяцілістая[3] (Cardamine quinquefolia) — шматгадовая расліна сямейства Капуставыя (Brassicaceae).
Шматгадовая травяністая расліна вышынёй 20-35 см з паўзучымі гарызантальнымі карэнішчамі, часта пакрытымі мясістымі лускавінкамі. Сцеблы без прыкаранёвага лісця. Лісце пёрыста- ці Тройчарассечанае, апушана простымі валасінкамі, звычайна размешчана па 3, збліжаныя ў кольцы. Суквецці — нешматкветкавая гронка. Кветкі фіялетавыя або цёмна-ружовыя. Лычык тупы або слабавыемкавы. Плод — шырокалінейны або вузкаланцэтны пляскаты струк. Цвіце ранняй вясной.