Зара Кемалаўна Абдулаева (руск.: Зара Кемаловна Абдуллаева) (4 лістапада 1953, Баку, Азербайджанская ССР, СССР) — савецкі і расійскі рэдактар , журналіст, кінакрытык, мастацтвазнаўца, аўтар прац па гісторыі і тэорыі кіно.
У 1975 годзе скончыла філалагічны факультэт Маскоўскага дзяржаўнага ўніверсітэта. У 1982 годзе абараніла кандыдацкую дысертацыю па мастацтвазнаўстве.
Як рэдактар выдавецтва «Союзтеатр» удзельнічала ў складанні зборніка драматургіі «Восемь нехороших пьес» (1990). Друкавалася ў спецыялізаваных навуковых, літаратурных і мастацтвазнаўчых часопісах («Вестник Академии наук СССР», «Вопросы литературы», «Дружба народов», «Новое литературное обозрение», «Новый мир», «Искусство кино», «Сеанс», «Театр» і інш.), а таксама ў выданнях агульнага профілю («Коммерсантъ», «Литературная газета», «Независимая газета» і інш.). Спецыяльны карэспандэнт часопіса «Искусство кино». Напісала некалькі кніг, прысвечаных кінематографу, у тым ліку манаграфіі пра Рамана Балаяна, Ульрыха Зайдля, Кіру Муратаву і Алега Янкоўскага. Аўтар артыкулаў па творчасці Сяргея Даўлатава, Міхаіла Зошчанка, Антона Чэхава.