Жаўтапу́зік, глушэц (Pseudopus apodus) — яшчарка сямейства Вераценніцавыя.
Даўжыня да 1,5 м, маса да 550 г. Верхняя частка цела бурая, брудна-бурая з аліўкавым або чырванавата-бурым адценнем, ніжняя — жоўта-бурая або мяснога колеру. Цела змеепадобнае, без ног (у самцоў захаваліся рудыменты задніх ног). Пад луской залягаюць касцявыя пласцінкі (астэадэрмы). Па баках цела глыбокая маршчына скуры, высланая дробнай луской.
Пашыраны ў Паўднёва-Заходняй Еўропе, Сярэдняй і Паўднёва-Заходняй Азіі. Жыве пераважна ў сухіх месцах, з густой расліннасцю. Кормяцца беспазваночнымі (пераважна насякомымі і малюскамі), дробнымі пазваночнымі.
Адкладваюць 8—10 яец.