У Вікіпедыі ёсць артыкулы пра іншых асоб з прозвішчам Куртуа.
Жак Куртуа́ (фр.: Jacques Courtois; празваны Бургіньён, фр.: le Bourguignon, фр.: il Borgognone; 1621—1676) — французскі жывапісец і гравёр, майстар батальных сцэн.
Жак Куртуа нарадзіўся ў 1621 годзе ў мястэчку Сент-Іпаліт. Сын мастака Жана-П’ера Куртуа. У яго было два малодшыя браты, якія таксама сталі мастакамі: Гіём Куртуа (1628—1679) і Жан-Франсуа (каля 1627—?).
Атрымаўшы першыя ўрокі жывапісу ў свайго бацькі, Куртуа яшчэ ў юнацтве адправіўся ў Італію, дзе паступіў у салдаты, каб лепш пазнаёміцца з ваенным жыццём і маляваць батальныя сцэны. У Рыме Куртуа знаходзіцца пад уражаннем творчасці баталіста Мікеланджэла Чарквоцы. Вялікі ўплыў на развіццё мастака аказалі і «Бітва Канстанціна» Рафаэля, і батальныя сцэны Сальватара Розы. У 1640 годзе ў Фларэнцыі браў урокі ў баталіста Яна Аселейна.