wd wp Пошук: ⬜

Еўрапейская кінапрэмія 2017

30-я цырымонія прысуджэння Еўрапейскай кінапрэміі за дасягненні ў еўрапейскім кінематографе адбылася 9 снежня 2017 года ў Берліне, Германія.[1] Вядучым цырымоніі стаў нямецкі акцёр і комік Томас Германс.[2] Пераможцы былі абраны галасаваннем больш чым 3000 сяброў Еўрапейскай кінаакадэміі. Прэмію за прыжыццёвыя дасягненні атрымаў расійскі кінарэжысёр Аляксандр Сакураў [3], а ўзнагародай за еўрапейскі ўнёсак у сусветны кінематограф была ўганаравана французская актрыса Жулі Дэльпі [4].

Храналогія падзей

22 жніўня 2017 года быў апублікаваны спіс фільмаў, рэкамендаваных да намінавання на Еўрапейскую кінапрэмію (лонг-ліст). У гэты спіс увайшоў 51 фільм з 31 краіны Еўропы.[5]

19 кастрычніка 2017 года Еўрапейская кінаакадэмія абвясціла прэтэндэнтаў на перамогу ў намінацыі «Еўрапейскае адкрыццё» (англ.: European Discovery) ад Міжнароднай федэрацыі кінапрэсы (ФІПРЭСІ). Узнагарода прысуджаецца рэжысёру-дэбютанту за першую поўнаметражную стужку. У гэтым годзе за ўзнагароду змагаюцца 5 фільмаў з Іспаніі, Францыі, Вялікабрытаніі, Германіі, а таксама сумеснай вытворчасці Балгарыі, Даніі і Францыі.[6]

4 лістапада 2017 года ў Севільі ў межах 14-га Севільскага фестывалю еўрапейскага кіно былі абвешчаны намінанты ў асноўных катэгорыях.[7][8]

14 лістапада 2017 года Еўрапейская кінаакадэмія абвясціла пераможцаў у сямі тэхнічных намінацыях. Спецыяльнае журы, скліканае ў Берліне, на аснове конкурснага спісу, вызначанага Еўрапейскай кінаакадэміяй, але не абмяжоўваючыся ім, прыняло рашэнне аб пераможцах у катэгорыях найлепшы аператар, найлепшы мантажор, найлепшы мастак-пастаноўшчык, найлепшы мастак па касцюмах, найлепшы візажыст-грымёр, найлепшы кампазітар і найлепшы гукарэжысёр.[9]

Статыстыка

Колькасць узнагарод, атрыманых фільмам, можа быць меншай за колькасць намінацый, бо шэраг тэхнічных узнагарод прысуджаюцца без выдзвіжэння намінантаў.

Фільмы, што атрымалі некалькі намінацый

Фільм	Колькасць намінацый
«Квадрат»	5
«Пра цела і душу»	4
«Забойства свяшчэннага аленя»	3
«Нелюбоў»	3
«120 удараў у хвіліну»	2
«Па той бок надзеі»
«Франц»
«Хэпі-энд»

Фільмы, што атрымалі хаця б адну ўзнагароду

Фільм	Колькасць узнагарод
«Квадрат»	6
«Нелюбоў»	2
«120 удараў у хвіліну»	1
«Голас пачвары»
«Здабыча»
«Пра цела і душу»
«Сера»

Спіс намінантаў і пераможцаў

Колер фону паказвае пераможцаў.

Катэгорыя	Намінанты
Найлепшы еўрапейскі фільм	«Квадрат» (англ.: The Square), рэж. Рубен Эстлунд
	«120 удараў у хвіліну» (фр.: 120 battements par minute), рэж. Рабэн Кампіё
	«Нелюбоў» (руск.: Нелюбовь), рэж. Андрэй Звягінцаў
	«Па той бок надзеі» (фінск.: Toivon tuolla puolen), рэж. Акі Каўрысмякі
	«Пра цела і душу» (венг.: Testről és lélekről), рэж. Ільдзіка Эньедзі
Найлепшая еўрапейская камедыя	«Квадрат» (англ.: The Square), рэж. Рубен Эстлунд
	«Вінсэнт» (Vincent), рэж. Крыстаф Ван Ромпай
	«Кароль бельгійцаў» (англ.: King of the Belgians), рэж. Петэр Бросенс, Джэсіка Хоўп Вудварт
	«Сардэчна запрашаем да Хартманаў» (ням.: Willkommen bei den Hartmanns), рэж. Сіман Ферхоэвен
Найлепшы еўрапейскі рэжысёр		Рубен Эстлунд — «Квадрат» (англ.: The Square)
		Андрэй Звягінцаў — «Нелюбоў» (руск.: Нелюбовь)
		Акі Каўрысмякі — «Па той бок надзеі» (фінск.: Toivon tuolla puolen)
		Ёргас Ланцімас — «Забойства свяшчэннага аленя» (англ.: The Killing of a Sacred Deer)
		Ільдзіка Эньедзі — «Пра цела і душу» (венг.: Testről és lélekről)
Найлепшы еўрапейскі акцёр		Клас Банг — «Квадрат»
		Наўэль Перэс Біскаярт — «120 удараў у хвіліну»
		Жан-Луі Трэнціньян — «Хэпі-энд»
		Колін Фарэл — «Забойства свяшчэннага аленя»
		Ёзэф Хадэр — «Стэфан Цвейг: Развітанне з Еўропай»
Найлепшая еўрапейская актрыса		Аляксандра Борбей — «Пра цела і душу»
		Жульет Бінош — «Пекнае сонца ўнутры»
		Паўла Бер — «Франц»
		Флорэнс П’ю — «Ледзі Макбет»
		Ізабэль Юпэр — «Хэпі-энд»
Найлепшы еўрапейскі сцэнарыст		Рубен Эстлунд — «Квадрат» (англ.: The Square)
		Франсуа Азон — «Франц»
		Ёргас Ланцімас, Эфціміс Філіпу — «Забойства свяшчэннага аленя» (англ.: The Killing of a Sacred Deer)
		Алег Негін, Андрэй Звягінцаў — «Нелюбоў» (руск.: Нелюбовь)
		Ільдзіка Эньедзі — «Пра цела і душу» (венг.: Testről és lélekről)

Тэхнічныя прэміі

Сябры журы, якое вызначыла пераможцаў у сямі тэхнічных катэгорыях:

Самір Фоча (Samir Fočo), гукарэжысёр, Боснія і Герцагавіна
Раф Кюнен (Raf Keunen), кампазітар, Бельгія
Мэлані Эн Аліўе (Melanie Ann Oliver), мантажор, Вялікабрытанія
Васілея Розана (Vasileia Rozana), мастак па касцюмах, Грэцыя
Сусана Санчэс (Susana Sanchez), візажыст-грымёр, Іспанія
Лукаш Зал (Łukasz Żal), аператар, Польшча
Таніна Дзера (Tonino Zera), мастак-пастаноўшчык, Італія

Намінацыя	Пераможца
Найлепшы еўрапейскі аператар	Міхаіл Крычман — «Нелюбоў» (руск.: Нелюбовь)
Найлепшы еўрапейскі мантажор	Рабэн Кампіё — «120 удараў у хвіліну» (фр.: 120 battements par minute)
Найлепшы еўрапейскі мастак-пастаноўшчык	Ёзэфін Асберг — «Квадрат» (англ.: The Square)
Найлепшы еўрапейскі мастак па касцюмах	Катажына Левінска — «Здабыча» (польск.: Pokot)
Найлепшы еўрапейскі мастак па візажу і грыму	Леендэрт ван Німвэген — «Сера» (англ.: Brimstone)
Найлепшы еўрапейскі кампазітар	Яўгеній Гальперын, Саша Гальперын — «Нелюбоў» (руск.: Нелюбовь)
Найлепшы еўрапейскі гукарэжысёр	Орыял Тарага — «Голас пачвары» (англ.: A Monster Calls)

Зноскі

↑ The 30th European Film Awards: 9 December in Berlin(англ.) . European Film Awards. Праверана 9 December 2017.
↑ 30th European Film Awards: Guests and Presenters(англ.) . Афіцыйны сайт Еўрапейскай кінапрэміі (5 снежня 2017). Праверана 9 снежня 2017.
↑ Aleksandr Sokurov: EFA Lifetime Achievement Award 2017(англ.) . Афіцыйны сайт Еўрапейскай кінапрэміі (5 чэрвеня 2017). Праверана 9 снежня 2017.
↑ EFA Honours Julie Delpy(англ.) . Афіцыйны сайт Еўрапейскай кінапрэміі (15 верасня 2017). Праверана 9 снежня 2017.
↑ 51 Feature Films Selected for European Film Awards(англ.) (22 жніўня 2017). Праверана 9 снежня 2017.
↑ Five Debut Films Nominated(англ.) . Афіцыйны сайт Еўрапейскай кінапрэміі (19 кастрычніка 2017). Праверана 9 снежня 2017.
↑ Nancy Tartaglione. European Film Awards Nominations: ‘The Square’, ‘Loveless’, ‘On Body And Soul’ & More(англ.) (4 лістапада 2017). Праверана 9 снежня 2017.
↑ Nominations for the European Film Awards 2017(англ.) . The European Film Academy. Праверана 29 November 2017.
↑ The European Film Academy: Jury Unveils First Seven EFA Winners(англ.) . The European Film Academy. Праверана 3 December 2017.

Спасылкі

Афіцыйны сайт