У Вікіпедыі ёсць артыкулы пра іншых асоб з прозвішчам Зянькова. Ефрасіння (Фруза) Савельеўна Зянькова, (22 снежня 1923, в. Ушалы, Шумілінскі раён, Віцебская вобласць — 19 красавіка 1984) — адзін з кіраўнікоў камсамольска-маладзёжнага падполля ў Віцебскай вобласці ў Вялікую Айчынную вайну, Герой Савецкага Саюза (1958).
Да вайны працавала на віцебскай фабрыцы «Сцяг індустрыялізацыі».
Пасля акупацыі Віцебшчыны нямецка-фашысцкімі захопнікамі вярнулася ў родную вёску, наладзіла сувязь з партызанскім атрадам імя К. Я. Варашылава Сіроцінскай брыгады, выконвала яго заданні, вяла разведку. На пачатку 1942 года ўзначаліла Обальскае камсамольскае падполле. З верасня 1943 года ў партызанскай брыгадзе імя Леніна.
У 1944—1967 гадах на камсамольскай і адміністрацыйнай рабоце.
У Віцебску ў гонар Ефрасінні Зяньковай названа вуліца.