У Вікіпедыі ёсць артыкулы пра іншых асоб з прозвішчам Ляснічая. Ефрасіння Паўлаўна Ляснічая (4 кастрычніка 1903, в. Брушкава, Дрысенскі павет, Віцебская губерня — 30 верасня 1976, Верхнядзвінскі раён) — работнік сельскай гаспадаркі, Герой Сацыялістычнай Працы.
Працоўную дзейнасць пачала ў 1931 годзе ў калгасе «Новы свет» Дрысенскага раёна.
З 1944 года звеннявая льнаводчага звяна ў калгасе «Прафінтэрн», у 1958—1961 гадах — палявод у калгасе імя Ільіча Верхнядзвінскага раёна.
Званне Героя Сацыялістычнай працы Ефрасінні Паўлаўне прысвоена ў 1949 годзе за атрыманне высокіх ураджаяў лёну.
Памерла Ефрасіння Паўлаўна 30 верасня 1976 года. Пахавана ў в. Луначарскае Верхнядзвінскага раёна.