Дэйвід Джэймс Мак-Элістэр [ˈdeɪvɪd dʒeɪmz məˈkæləstə] (нар. 12 студзеня 1971, Заходні Берлін) — нямецкі палітык з партыі ХДС, які таксама мае брытанскае грамадзянства. З 2008 года ён узначальвае ХДС у Ніжняй Саксоніі.
Дэйвід Джэймз Мак-Элістэр нарадзіўся 12 студзеня 1971 года ў сям’і немкі і брытанца. Яго бацька, Джэймз Б’юкенен Мак-Элістэр, паходзіць з Глазга і падчас Халоднай вайны працаваў у розных ведамствах Брытанскай арміі, размешчаных у Германіі. Яго маці, Мэхтгільда, была настаўніцай нямецкай мовы і музыкі. Ён выхоўваўся на дзвюх мовах — на нямецкай і англійскай.