Дуброўка сярэдняя[3][4], Дуброўка Гейдэнрэйха[5] (Potentilla intermedia) — від кветкавых раслін роду Дуброўка сямейства Ружавыя (Rosaceae).
Шматгадовая расліна, 20-40 см вышынёй.
Сцеблы і хвосцікі лісця пакрытыя адхіленымі валасінкамі. Лісце пакрытае доўгімі прамымі валасінкамі.
Прыкаранёвае і ніжняе сцябловае лісце пальчатае, лісточкі ніжняга лісця тонкія, зваротна-яйкападобныя, надрэзана-пілаватыя.
Кветкі сабраны ў вілавата разгалінаванае суквецце. Пялёсткі жоўтыя, даўжынёй да 5 мм.
Ва Украіне сустракаецца ў лесастэпе і на Палессі. Расце ля дарог, на палях і ўзлесках.