У Вікіпедыі ёсць артыкулы пра іншых асоб з прозвішчам Лісейчыкаў. Дзяні́с Васі́левіч Лісе́йчыкаў (нар. 4 верасня 1979, в. Дзяніскавічы, Ганцавіцкі раён, Брэсцкая вобласць) — беларускі гісторык і архівіст. Кандыдат гістарычных навук (2009).
Скончыў СШ № 7 г. Баранавічы (1996), гістарычны факультэт БДУ (2001), магістратуру БДУ са ступенню магістра гуманітарных навук (2002), аспірантуру пры Інстытуце гісторыі НАН Беларусі (2006). У 2009 у Інстытуце гісторыі Нацыянальнай Акадэміі навук Беларусі абараніў дысертацыю на ступень кандыдата гістарычных навук (навуковы кіраўнік — к.г.н. Валянціна Васільеўна Яноўская) па спецыяльнасці 07.00.02 «Айчынная гісторыя» (абаронена 15.04.09, зацверджана 04.11.09).
З 2002 па красавік 2022 працаваў у Нацыянальным гістарычным архіве Беларусі: загадчыкам аддзела навуковага выкарыстання дакументаў і інфармацыі (з 2009), намеснікам дырэктара (2012–2022).