wd wp Пошук:
    ⬜

    Дзявочы вінаград трохвостраны

    Дзявочы вінаград трохвостраны[3] (Parthenocíssus tricuspidáta) — від дрэвападобных ліян з роду Дзявочы вінаград (Parthenocissus) сямейства Вінаградавыя (Vitaceae).

    Сінонімы [4]

    Разнавіднасць: Parthenocissus tricuspidata W.T.Wang.

    Germplasm Resources Information Network, NCBI, ITIS і USDA NRCS апісваюць від як Parthenocissus tricuspidata (Siebold & Zucc.) Planch.

    Батанічнае апісанне

    Далёкаўсходняя ліяна да 15-20 метраў даўжынёй.

    Лісце 10-20 см даўжынёй з буйнымі грубымі зубцамі, цёмна-зялёнае, зверху бліскучае. Працягласць вегетацыйнага перыяду складае каля 157 дзён (ад 12 мая да 15 кастрычніка).

    У расліны на канцах вусікаў маюцца дыскападобныя пашырэнні, пры дапамозе якіх яна прымацоўваецца да кары дрэў і скал.

    Цвіценне — з сярэдзіны чэрвеня да пачатку ліпеня.

    Плады — сінявата-чорныя ягады, 6-8 мм у дыяметры, з 1-2 насенінамі.

    Распаўсюджанне і экалогія

    Арэал — Кітай (Аньхой, Фуцзянь, Хэбэй, Хэнань, Цзілінь, Ляанін, Шаньдун), Японія (Хакайда, Хансю, Кюсю, Сікоку), Карэя, Тайвань.

    У Расіі гэты від сустракаецца толькі на поўдні Прыморскага краю.

    Расце на стромых скалах і абрывах марскога берага. Дыма- і газаўстойлівы.

    Інтрадуцыраваны ў многіх краінах свету.

    Прымяненне

    У лячэбных мэтах прымяняецца ў кітайскай народнай медыцыне.

    Маюцца дэкаратыўныя садовыя формы. У культуры з 1862 года.

    Зноскі

    1. ↑ Ужываецца таксама назва Пакрытанасенныя.
    2. ↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
    3. ↑ Киселевский А. И. Латино-русско-белорусский ботанический словарь.. — Минск: «Наука и техника», 1967. — С. 93. — 160 с. — 2 350 экз.
    4. ↑ Flora of China

    Спасылкі

    Тэмы гэтай старонкі (6):
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·Вінаградавыя
    Катэгорыя·Ліяны
    Катэгорыя·Расліны паводле алфавіта
    Катэгорыя·Флора Усходняй Азіі
    Катэгорыя·Дэкаратыўныя расліны