wd wp Пошук: ⬜

Дзмітрый Якаўлевіч Бугаёў

У Вікіпедыі ёсць артыкулы пра іншых асоб з прозвішчам Бугаёў.

Дзмітрый Якаўлевіч Бугаёў (12 студзеня 1929, в. Сычык, Крычаўскі раён, Магілёўская акруга — 28 снежня 2017 [1]) — беларускі літаратуразнавец і крытык[2]. Кандыдат філалагічных навук (1960)[2], прафесар.

Біяграфія

Нарадзіўся 12 студзеня 1929 года ў в. Сычык Крычаўскага раёна Магілёўскай акругі.

У 1945—1948 вучыўся ў Магілёўскім педагагічным вучылішчы. У 1948—1952 у Магілёўскім педагагічным інстытуце [2]. У 1952—1955 у аспірантуры Мінскага педагагічнага інстытута імя М. Горкага.

У 1955-59 працаваў у Мазырскім педагагічным інстытуце [2], у 1959-64 у Інстытуце літаратуры АН БССР, з 1964 дацэнт БДУ [2], дзе выкладаў на філалагічным факультэце. Член беларускага ПЭН-цэнтра з 1989. Член СП СССР з 1961.

Бацька Людмілы Сіньковай. Памёр 28 снежня 2017 года.

Навуковая дзейнасць

Друкаваўся з 1957[2]. Выступаў у друку па праблемах сучаснага літаратурнага працэсу, мастацкага майстэрства і стылю. Адзін з аўтараў «Гісторыі беларускай савецкай літаратуры» (т. 1-2, 1965-66)[2].

Бібліяграфія

«Шчодрае сэрца пісьменніка» (1963)
«Паэзія Максіма Танка» (1964, 2003: 2-е выд.)
«Уладзімір Дубоўка» (1965)
«Максім Гарэцкі» (1968, 2003: 2-е выд.): першае, пасля часу замоўчвання, даследаванне творчасці Гарэцкага.
«Шматграннасць» (1970)
«Зброяй сатыры, зброяй праўды» (1971, 2004: 2-е выд.)
«Вернасць прызванню: Творчая індывідуальнасць Івана Мележа» (1977)
«Талент і праца» (1979)
«Чалавечнасць» (1985)
«Васіль Быкаў» (1987)
«Арганічнасць таленту» (1989)
«Спавядальнае слова» (2001)
«Служэнне Беларусі» (2003)

Зноскі

↑ Памёр літаратурны крытык Дзмітрый Бугаёў(нявызн.). Наша Ніва (28 снежня 2017). Праверана 28 снежня 2017.
1 2 3 4 5 6 7 Бугаёв Дмитрий Яковлевич // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 85. — 737 с.