У Вікіпедыі ёсць артыкулы пра іншых асоб з падобнымі імёнамі, гл. Лазоўскі і Дзмітрый Лазоўскі.
Дзмітрый Мікалаевіч Лазоўскі (нар. 9 жніўня 1959, в. Навінцы, Мёрскі раён, Віцебская вобласць) — беларускі навуковец, доктар тэхнічных навук, прафесар, рэктар Полацкага дзяржаўнага ўніверсітэта ў 2003-2021 гадах.
Нарадзіўся 9 жніўня 1959 года у в. Навінцы Мёрскага раёна Віцебскай вобласці. У 1981 годзе скончыў Наваполацкі політэхнічны інстітут па спецыяльнасці «Прамысловае і грамадзянскае бадаўніцтва». З 1984 года навучаўся ў аспірантуры Навукова-даследчага інстытута бетона і жалезабетона ў Маскве. У 1987 годзе абараніў кандыдацкую дысертацыю.
З 1988 года працаваў дацэнтам кафедры жалезабетонных і каменных канструкцый Наваполацкага політэхнічнага інстытута. З 1996 па 1998 гады — дактарант Беларускай дзяржаўнай політэхнічнай акадэміі. У 1999 годзе абараніў доктарскую дысертацыю. У 2000 годзе прысвоена вучонае званне прафесара. З 1999 па 2003 гады — дэкан інжынерна-будаўнічага факультета Полацкага дзяржаўнага ўніверсітэта. На працягу шэрагу гадоў працуе прафесарам кафедры будаўнічых канструкцый (па сумяшчальніцтву).
8 мая 2003 года загадам Міністэрства адукацыі Рэспублікі Беларусь прызначаны рэктарам Полацкага дзяржаўнага ўніверсітэта.
Дзмітры Лазоўскі абраны акадэмікам Беларускай акадэміі архітэктуры (Мінск, 2003), акадэмікам Беларускай інжынернай акадэміі (Мінск, 2004), акадэмікам Міжнароднай акадэміі навук вышэйшай школы (Масква, 2005), акадэмікам Міжднароднай інжынернай акадэміі (Масква, 2006)[1].
Тэорыя і практыка будаўнічых канструкцый, ацэнка іх тэхнічнага стану ў працэсе эксплуатацыі і ўзмацнення.
Аўтар больш 170 навуковых і навукова-метадычных работ, 18 аўтарскіх пасведчанняў.