У Вікіпедыі ёсць артыкулы пра іншых асоб з прозвішчам Блант.
Джэймс Хіліер Блант (англ.: James Blunt, сапраўднае імя James Hillier Blount, нар. 22 лютага 1974) — англійскі спявак, музыкант і аўтар.
Джэймс нарадзіўся ў сям’і патомнага ваеннага брытанскага палкоўніка Чарльза Бланта (Blount) і яго жонкі Джэйн. Дзяцінства яго прайшло ў Англіі, на Кіпры і ў Германіі, дзе служыў бацька, афіцэр Корпуса армейскай авіяцыі. Цяга бацькі перадалася сыну, і ў 16 гадоў Джэймс атрымаў ліцэнзію пілота. Джэймс паступіў у Брыстольскі ўніверсітэт на факультэт авіябудаўніцтва. Пасля яго заканчэння ён быў павінен не менш 4 год адслужыць у войску.
Джэймс прайшоў падрыхтоўку ў Каралеўскай Ваеннай Акадэміі Сандхёрст, быў малодшым лейтэнантам у палку Life Guards Дварцовай кавалерыі, дзе даслужыўся да звання капітана. У 1999 годзе пад час бамбардзіровак Югаславіі Блант камандаваў танкавым падраздзяленнем у войсках НАТО на македона-югаслаўскай мяжы. Джэймс звольніўся з арміі 1 кастрычніка 2002 года.
Нараўне з прадстаўнікамі каралеўскай сям’і з’яўляецца Ганаровым гвардзейцам.
Джэймс — выдатны спартсмен, у арміі ён быў капітанам каманды па горным лыжам. Як і ўсе англічане, ён любіць футбол. Яго любімы клуб — Чэлсі. У Джэймса маецца дом непадалёк ад хатняга стадыёна Чэлсі — Стэмфард Брыдж.
Усё пачалося з таго, што Джэймс вырашыў навучыцца гуляць на піяніна. Потым яго ўзялі ў школьны мюзікл. Ён любіў слухаць Queen і Dire Straits. У 14 гадоў ён падбіраў на гітары мелодыі Нірваны (Nirvana), а ў хуткім часе пачаў пісаць свае ўласныя песні.
У 2002 годзе, узяўшы некалькі дэмазапісаў вельмі сумніўнай якасці, Джэймс пакінуў армію, каб прысвяціць увесь свой час музыцы. Ён сабраў на дэма свае лепшыя песні і на працягу некалькіх месяцаў сумеў заключыць дамову на менеджмент і запіс альбома. Джэймсу пашчасціла сустрэцца з Ліндай Перы, аўтарам песен і прадзюсарам шматлікіх музыкантаў, сярод якіх Пінк і Крысціна Агілера.
Неўзабаве ён падпісаў кантракт з яе гуказапісваючай студыяй Custard Records.
Урэшце, у 2003 годзе, Джэймс Блант паехаў у Каліфорнію запісваць свой першы альбом. Па начах ён прападаў у начных клубах, а днём увесь свой час прысвячаў працы над пластынкай разам з Томам Ротракам, прадзюсарам Элтана Джона.
Пасля аглушальнага поспеху балады «You’re Beautiful» крытыкі пачалі параўноваць Джэймса Бланта з самім Элтанам Джонам.
Джэймс Блант устанавіў новы сусветны рэкорд вышыні, на якой калі-небудзь адбываліся канцэрты. Як паведамляе The Sun, 29 чэрвеня 2010 г. спявак адыграў акустычны канцэрт на борце Boeing 767 на вышыні 42000 футаў, ці амаль 13 кіламетраў.
У маі 2013 года Джэймс скончыў запіс 3-га студыйнага альбома Some Kind of Trouble, прадзюсарам якога стаў Том Ротрак, які працаваў з ім над першымі двума пласцінкамі — Back To Bedlam і All The Lost Souls. 4-ты альбом пад назвай Moon Landing выйшаў у кастрычніку 2013 года.
16 верасня 2014 выйшаў сінгл «When I Find Love Again», які з’яўляецца першым сінглам з перавыдаваемага альбома «Moon Landing: Apollo Edition», выхад якога плануецца на 3 лістапада 2014 года.
5 кастрычніка 2014 года Джэймс Блант упершыню даў канцэрт у Мінску[3].
| Год | Назва | Пазіцыі | Продажы | ||||||||||
|---|---|---|---|---|---|---|---|---|---|---|---|---|---|
| U.S. | UK | IE | FR | AT | DE | IT | NL | BEL | CH | AU | |||
| 2004 | Back to Bedlam
|
2 | 1 | 1 | 2 | 1 | 1 | 5 | 2 | 1 | 1 | 1 | |
| 2007 | All the Lost Souls | 7 | 1 | 1 | 1 | 1 | 1 | 1 | 2 | 4 | 1 | 1 | |
| 2010 | Some Kind of Trouble | - | - | - | - | - | - | - | - | - | - | - |
|
| 2013 | Moon Landing | - | - | - | - | - | - | - | - | - | - | - |
|
| 2017 | The Afterlove
|
- | - | - | - | - | - | - | - | - | - | - | |
| 2019 | Once Upon a Mind
|
- | - | - | - | - | - | - | - | - | - | - | |
| Год | Назва | Пазіцыі | Продажы | ||||||||||
|---|---|---|---|---|---|---|---|---|---|---|---|---|---|
| U.S. | UK | IE | FR | AT | DE | IT | NL | BEL | CH | AU | |||
| 2006 | Chasing Time: The Bedlam Sessions[A] | - | 1 | - | 8 | 1 | 1 | 1 | 17 | 1 | 2 | 1 |
|