Джыл Солаўэй (англ.: Jill Soloway, нар. 26 верасня 1965) — амерыканскі сцэнарыст, прадзюсар, рэжысёр, комік і драматург.
Солаўэй нарадзілася ў Чыкага, штат Ілінойс, і скончыла Вісконсінскі ўніверсітэт у Мадысане[2]. Пачаўшы сваю кар’еру ў якасці асістэнта ў рэкламе, да канца 1990-х яна перабралася ў Лос-Анджэлес, дзе беспаспяхова спрабавала прадаць сцэнарый пілота для HBO. Яе поспехам стала публікацыя апавядання Courteney Cox’s Asshole, пасля чаго яна была наймана сцэнарыстам у серыял HBO «Кліент заўсёды мёртвы»[3]. Яна напісала сцэнарыі для «Брудныя мокрыя грошы», «Такая розная Тара» і «Як дасягнуць поспеху у Амерыцы», а таксама кароткі час працавала кансалтынгавым прадзюсарам у «Анатомія страсці».
Прарыў Солаўэй адбыўся ў 2013 годзе, калі за свой рэжысёрскі дэбют, фільм «Паўдзённая пяшчота», яна атрымала прэмію за лепшую рэжысуру на 29-тым кінафестывалі «Сандэнс», а таксама намінацыю на «Незалежны дух» за лепшы сцэнарый[4]. У наступным годзе яна стварыла і зрэжысавала серыял «Відавочнае» для Amazon.com, які атрымаў масу станоўчых водгукаў ад крытыкаў, многія з якіх называлі яго рэвалюцыйным[5]. У 2015 годзе Солаўэй была ўключана ў спіс ста найбольш уплывовых людзей года паводле меркавання часопіса Time[6].