Джыдзі́нне[1] — вадасховішча ў Іванаўскім раёне Брэсцкай вобласці Беларусі, за 3 км у напрамку на захад ад аграгарадка Тышкавічы.
Вадасховішча створана ў 1983 годзе на месцы возера Джыдзінне[1], у басейне ракі Ясельда. Плошча паверхні 2,52[2] км². Даўжыня 2,2 (2,15[2]) км, найбольшая шырыня 2 (1,95[2]) км. Даўжыня берагавой лініі 8,5[2] км. Найбольшая глыбіня 4,7 (3,4[2]) м, сярэдняя 2,48[2] м. Аб’ём вады ў вадасховішчы 6,9[2] млн м³. Схілы катлавіны спадзістыя, пясчаныя. Берагі нізкія і забалочаныя. Напаўняецца вадой з ракі Ясельда ў час веснавой паводкі.
Выкарыстоўваецца ў мэтах арашэння і рэкрэацыі.