У Вікіпедыі ёсць артыкулы пра іншых асоб з прозвішчам Чэдвік.
Джон Чэдвік (англ.: John Chadwick, 12 мая 1920 г. — 24 лістапада 1998 г.) — брытанскі гісторык і лінгвіст, расшыфроўшчык крыцкага лінейнага пісьма тыпу Б.
Нарадзіўся на ўскраіне Лондана. Навучаўся ў Кембрыджскім універсітэце. Падчас II Сусветнай вайны служыў у брытанскім ваенным флоце. У 1950 г. апублікаваў сваю першую навуковую працу, прысвечаную Гіпакрату. З 1952 г. працаваў у Кембрыджскім універсітэце. У тым жа годзе да яго звярнуўся Майкл Вентрыс, які ўжо часткова дэшыфраваў крыцкія лінейныя тэксты тыпу Б. Джон Чэдвік распрацаваў далейшую схему дэшыфроўкі. Пасля смерці Майкла Вентрыса ў 1956 г. апублікаваў іх сумесную працу. У далейшым займаўся вывучэннем Мікенскай цывілізацыі.