Ро́берт Джо́натан Дэ́мі (англ.: Robert Jonathan Demme; 22 лютага 1944 — 26 красавіка 2017) — амерыканскі кінарэжысёр, сцэнарыст і прадзюсар.
Пачынаючы сваю кар’еру пад кіраўніцтвам Роджэра Кормана[en], прадзюсара фільмаў катэгорыі B[en], Дэмі дэбютаваў як рэжысёр у 1974 годзе, зняўшы фільм пра зняволеных жанчын «Страсць за кратамі[en]». Затым ён стаў вядомы сваімі фільмамі з нязмушаным аптымістычным гуманізмам, такімі як «Мэлвін і Говард[en]» (1980), «Перазменка[en]» (1984), «Дзікая штучка[en]» (1986) і «Замужам за мафіяй[en]» (1988). Яго пастаноўка псіхалагічнага фільма жахаў «Маўчанне ягнят» (1991) прынесла яму прэмію «Оскар» за найлепшую рэжысуру. Яго наступныя фільмы заслужылі падобнае прызнанне, у прыватнасці «Філадэльфія[en]» (1993) і «Рэйчэл выходзіць замуж[en]» (2008).
Дэмі таксама зняў мноства фільмаў-канцэртаў, такіх як «Не шукай сэнсу[en]» (1984), «Ніл Янг: Залатое сэрца[en]» (2006) і «Джасцін Тымберлейк + The Tennessee Kids[en]» (2016), а таксама працаваў над некалькімі тэлесерыяламі ў якасці прадзюсара і рэжысёра.