Дварнасе́льскі сельсавет — былая адміністрацыйна-тэрытарыяльная адзінка ў складзе Мёрскага раёна Віцебскай вобласці. Цэнтр — вёска Дворнае Сяло.
Утвораны 12 кастрычніка 1940 года ў складзе Мёрскага раёна Вілейскай вобласці БССР. З 20 верасня 1944 года ў складзе Полацкай вобласці, з 8 студзеня 1954 года — Маладзечанскай вобласці. 16 ліпеня 1954 года скасаваны, тэрыторыя далучана да Мёрскага сельсавета[1].
17 снежня 1971 года цэнтр Наўгародскага сельсавета перанесены ў вёску Дворнае Сяло, сельсавет перайменаваны ў Дварнасельскі, адначасова ў склад сельсавета з Мёрскага пассавета перададзены 23 населеныя пункты (вёскі Блажкі, Гір’яты, Дзянісава, Загор’е, Канахі, Карпачова, Картавыя, Мароські, Міснікі, Наталіна, Падгайцы, Пад’ельцы, Плейкі, Свярдлы, Станулева, Юнцы і хутары Жугераўшчына, Крыштулі, Лаўкі, Мёркі-II, Ракавыя, Рыжэўшчына, Табары), у склад Новапагосцкага сельсавета перададзены 21 населены пункт (вёскі Вострава, Каланіцы, Краснае, Купчалёва, Руда, Стары Пагост, Юндзялова і хутары Альхоўка, Антонаўцы, Бабаўшчына, Дубоўка, Зацішша, Зялёнка, Кавалеўшчына, Пагнойкі, Падазер’е, Падмосце, Прамыслы, Старына, Траццякі, Шандзіна)[2]. 26 сакавіка 1973 года ў склад Новапагосцкага сельсавета пералічаны 9 населеных пунктаў: вёскі Белеўцы, Вусаўцы, Мілейкі, Наўгароды, Смолеўцы, хутары Карсакава, Падальхоўка, Пельнева, Шудзелеўшчына[3]. 4 красавіка 2004 года сельсавет скасаваны, яго тэрыторыя ўвайшла ў склад зноў утворанага Мёрскага сельсавета[4].
На момант скасавання ў склад сельсавета ўваходзілі 27 населеных пунктаў: Беларуская, Блажкі, Вазаўнікі, Вязаўцы, Гір’яты, Дворнае Сяло, Жугераўшчына, Загор’е, Калганова, Канахі, Картавыя, Крыштулі, Мёркі 2, Наталіна, Падгайцы, Пад’ельцы, Пестуны, Плейкі, Ракавыя, Свярдлы, Селішча, Станулева, Стафанова, Сухія, Цілеўцы, Чахоўшчына і Юнцы.