Да́брасень — возера ў Светлагорскім раёне Гомельскай вобласці Беларусі ў басейне ракі Бярэзіна, за 40 км у напрамку на паўночны захад ад Светлагорска, за 1 км на паўднёвы ўсход ад вёскі Каралёва Слабада 2, прыкладна за 0,8 км на паўночны ўсход ад вёскі Васілёўка.
Возера старычнае. Плошча паверхні каля 0,26 км², даўжыня 2,4 км, найбольшая шырыня 0,1 км, даўжыня берагавой лініі каля 5 км. Берагі возера пясчаныя.