«Гэта канец» (англ.: This Is the End) — амерыканскі камедыйны фільм-катастрофа 2013 года. Дэбютны фільм Сэта Рогена і Эвана Голдберга ў якасці рэжысёраў і сцэнарыстаў. У фільме зняліся сам Сэт Роген, Джэй Барушэль, Джэймс Франка, Джона Хіл, Крэйг Робінсан, Дэні Мак-Брайд, Майкл Сера і Эма Уотсан. Яны граюць самі сябе, але з у пэўнай ступені выдуманымі ці перабольшанымі характарамі, ва ўмовах наступу глабальнага апакаліпсісу. Фільм быў выпушчаны 12 чэрвеня 2013 года і меў камерцыйны поспех, а таксама спрыяльныя водгукі ад крытыкаў. У сувязі з поспехам фільма, «Columbia Pictures» зладзіла паўторны рэліз фільма 6 верасня 2013 года.