.mw-parser-output .t-geoinfobox td,.mw-parser-output .t-geoinfobox th{min-width:120px}.mw-parser-output .t-geoinfobox td:only-child,.mw-parser-output .t-geoinfobox th:only-child{text-align:center}.mw-parser-output .t-geoinfobox-name{font-size:110%;padding:2px}.mw-parser-output .t-geoinfobox-nickname{font-style:italic}.mw-parser-output .t-geoinfobox-cave th:only-child,.mw-parser-output .t-geoinfobox-mount th:only-child{background:#e7dcc3}.mw-parser-output .t-geoinfobox-surface th:only-child{background:#ffe4c4}.mw-parser-output .t-geoinfobox-blue th:only-child,.mw-parser-output .t-geoinfobox-water th:only-child{background:#c0daff}.mw-parser-output .t-geoinfobox-underwater th:only-child{background:#b0e0e6}.mw-parser-output .t-geoinfobox-green th:only-child{background:#d0f0c0}.mw-parser-output .t-geoinfobox-tomb th:only-child{background:#bbbbbb}.mw-parser-output .t-geoinfobox-yellow th:only-child{background:#fdeaa8}.mw-parser-output .t-geoinfobox-ny th:only-child{background:#cbd5c4;border:1px solid #aaaaaa}.mw-parser-output .t-geoinfobox-ny th:first-child:not(:only-child){background:#cbd5c4;text-align:right;padding:0 0.5em}.mw-parser-output .t-geoinfobox-grey th:only-child{background:#eaecf0}
Грут-Эйландт, таксама Грут-Айленд (англ.: Groote Eylandt) — найбуйнейшы востраў у заліве Карпентарыя. Належыць Аўстраліі. Плошча - 2 326,1 км². Насельніцтва (2016 г.) — 2 811 чал. Назва, дадзеная падарожнікам Абелем Тасманам у 1644 годзе, перакладаецца з галандскай мовы як «вялікі востраў».
Востраў Грут-Айленд размешчаны за 47 км ад бліжэйшай мацерыковай часткі Паўночнай тэрыторыі, паўвострава Арнем-Ленд, а таксама за 630 км ад горада Дарвін. Працягласць вострава з усходу на захад — каля 50 км, з поўначы на поўдзень — каля 60 км. Востраў нізінны, сярэдняя вышыня над узроўнем мора — 15 м. Вышэйшы пункт Грут-Айленда — пагорак Сентрал-Хіл (219 м).
Клімат трапічны з гарачым, вільготным летам і частымі навальніцамі. На Грут-Айлендзе можна вылучыць два сезоны — сухі пад уплывам вятроў, якія дзьмуць з Паўднёвага Усходу, і сезон дажджоў пад уплывам мусонаў. Сезон дажджоў на востраве доўжыцца з лістапада па красавік. Сярэдняя тэмпература ў гэты час года — 25-38 °C. Перыяд засухі доўжыцца з мая па кастрычнік. Тэмпература ў гэты час года — 10-30 °C. Сярэднегадавая колькасць ападкаў — каля 1177 мм.
Асноўнае насельніцтва складаюць абарыгены з племені аніндыляква.
На востраве здабываюць марганец. Плануецца развіваць турызм.