Група армій Макензена

Гру́па а́рмій Маке́нзена (ням.: Heeresgruppe Mackensen) — воінскае аб’яднанне Імперскай Германскай арміі падчас Першай сусветнай вайны, якая дзейнічала ў Сербіі ў перыяд з 18 верасня 1915 года да 11 кастрычніка 1916 года пад камандаваннем генерал-фельдмаршала Аўгуста фон Макензена.

Адпаведна новым камандуючым яна была перайменавана 11 кастрычніка 1916 года ў групу армій Белава, а 23 красавіка 1917 года ў групу армій Шольца.

1915—1916 гады

Група арміі была сфармавана ў верасні 1915 года для ўварвання ў Сербію. Аперацыя пачалася 7 кастрычніка і пад канец студзеня 1916 года ўся тэрыторыя Сербіі, Чарнагорыі і вялікая частка Албаніі была ў руках Цэнтральных дзяржаў. Пасля гэтага фронт стабілізаваўся на македонска-грэчаскай мяжы.

Баявы склад ў 1915—1916 гады

• Германская 11-я армія (пад камандаваннем Макса фон Гальвіца)
• Балгарская 1-я армія (Клімент Баяджыеў)
• Аўстра-венгерская 3-я армія (Герман Кёвес фон Кёвесгаза)

Балгарская 2-я армія таксама прымала ўдзел у нападзенні на Сербію, але яна заставалася пад прамым кантролем балгарскага камандавання.

1916—1918 гады

30 ліпеня 1916 года фельдмаршал Макензен быў пераведзен на Румынскі фронт і Група армій часова апынулася пад камандаваннем Балгарскага генштабу.

11 кастрычніка 1916 года Ота фон Белаў быў прызначаны новым камандуючым і Група армій атрымала назву Група армій Белава (ням.: Heeresgruppe Below).

23 красавіка 1917 года фон Белаў быў заменены Фрыдрыхам фон Шольцам і Група армій атрымала назву Група армій Шольца (ням.: Heeresgruppe Scholtz).

Баявы склад ў 1916—1918 гады

• Германская 11-я армія (пад камандаваннем Арнольда фон Вінклера, пераемнік — Куна фон Штойбен)
• Балгарская 1-я армія (Клімент Баяджыеў, пераемнік — Дзімітар Гешаў)

Гл. таксама

• Баявы расклад Германскай імперскай арміі ў 1918 годзе

Спасылкі

• Die Deutschen Heeresgruppen im Ersten Weltkrieg

Літаратура

Гэты раздзел артыкула яшчэ не напісаны. Паводле задумы аднаго з удзельнікаў Вікіпедыі, на гэтым месцы павінен размяшчацца спецыяльны раздзел. Вы можаце дапамагчы праекту, напісаўшы гэты раздзел.