Граздоўнік просты (Botrychium simplex) — від раслін роду Граздоўнік (Botrychium) сямейства Вужоўнікавыя (Ophioglossaceae).
Шматгадовыя травяністыя расліны вышынёй 8—16 см. Ліст складаецца з 2-х лопасцей: лістападобнай стэрыльнай і адходзячай ад яе спараноснай. Стэрыльная частка няпарнаперыстая, спараносная — мяцёльчатая, на доўгім чаранку.
Сустракаецца ў асноўным ва ўмераных і больш халодных зонах Паўночнага паўшар’я, у тым ліку ў Паўночнай Амерыцы, Цэнтральнай Еўропе, Усходняй Азіі, а таксама ў Пірэнеях і Грэцыі. У 1923 годзе зафіксаваны на тэрыторыі Мінскай балотнай доследнай станцыі[1].