Георгій Сяргеевіч Таміло́ўскі (3 ліпеня 1913, Мінск — 1 верасня 1990, Іжэўск) — Герой Савецкага Саюза (1943). Падчас Вялікай Айчыннай вайны камандзір 151-га стралковага палка 8-й стралковай дывізіі (13-я армія Цэнтральны фронт). Палкоўнік. Удзельнік Парада Перамогі ў Маскве.
У Чырвонай Арміі з 1931 г. У 1934 годзе скончыў Мінскае ваеннае пяхотнае вучылішча. Падчас Вялікай Айчыннай вайны з 1942 г. на Бранскім, Цэнтральным, 1-м і 4-м Украінскім франтах.
Полк на чале з Г. Тамілоўскім вызначыўся ў ліпені—верасні 1943 г. У ліку першых фарсіраваў Дзясну, Дняпро, Прыпяць, вызваліў вялікую колькасць населеных пунктаў.
З чэрвеня 1944 года палкоўнік Тамілоўскі намеснік камандзіра 211-й Чарнігаўскай стралковай дывізіі, удзельнічаўшай у Львоўска-Сандамірскай аперацыі, у Карпатах, вызваленні Чэхаславакіі. . Пасля вайны Г. С. Тамілоўскі працягваў службу ў арміі. У 1949 г. скончыў курсы «Выстрал», у 1954 г. Вышэйшыя акадэмічныя курсы пры Акадэміі Генеральнага Штаба. З 1959 г. палкоўнік Тамілоўскі ў адстаўцы. Жыў у сталіцы Удмуртыі горадзе Іжэўску. Працаваў дырэктарам прафесійна-тэхнічнага вучылішча.