У Вікіпедыі ёсць артыкулы пра іншых асоб з прозвішчам Шчарбакоў.
Георгій Барысавіч Шчарбакоў (22 жніўня 1917 — 9 чэрвеня 1989) — рускі савецкі акцёр і рэжысёр, педагог. Заслужаны дзеяч мастацтваў Беларускай ССР (1959). Народны артыст Беларускай ССР (1963).[1]
Скончыў Дзяржаўны інстытут тэатральнага мастацтва (1939). Працаваў у тэатрах Масквы, Вільнюса. У 1958—1962 гадах галоўны рэжысёр Беларускага тэатра імя Якуба Коласа, у 1962—1964 гадах — Беларускага тэатра імя Янкі Купалы. У 1966—1989 гадах выкладаў у Маскоўскім інстытуце культуры, прафесар (1977).
Яго рэжысуры ўласціва спалучэнне наватарскіх пошукаў з нацыянальнымі традыцыямі сцэнічнага мастацтва, выразнае пастановачна-відовішчнае ўвасабленне задумы.