У Вікіпедыі ёсць артыкулы пра іншых асоб з прозвішчам Джэймс. Генры Джэймс (англ.: Henry James; 15 красавіка 1843, Нью-Ёрк — 28 лютага 1916, Лондан) — амерыканскі празаік , тэолаг і філосаф, які з трыццаці гадоў жыў у Еўропе, а за год да смерці прыняў брытанскае грамадзянства. Брат выбітнага псіхолага Уільяма Джэймса. Буйная постаць трансатлантычнай культуры мяжы XIX і XX стагоддзяў. За 51 год літаратурнай творчасці ён напісаў 20 раманаў, 112 апавяданняў і 12 п’ес. Чырвонай стужкай праз усю яго творчасць праходзіць тэма непасрэднасці і наіўнасці прадстаўнікоў Новага Света, якія вымушаныя прыстасоўвацца альбо кідаць выклік інтэлектуальнасці схільнага да заняпаду Старога Свету («Дэйзі Мілер», 1878; «Жаночы партрэт», 1881; «Паслы», 1903).