Генрых Цымерн (14 ліпеня 1862, Грабэн, Бадэн — 17 лютага 1931, Лейпцыг) — нямецкі асірыёлаг. Выкладаў ва ўніверсітэтах Брэслау (з 1899), Лейпцыга (з 1900). Заснавальнік лейпцыгскай школы асірыялогіі. Займаўся вывучэннем шумерскіх і вавілонскіх літаратурных і культавых тэкстаў, параўнальнай граматыкай семіцкіх моў, праблемамі акадскай мовы і яе ўплыву на іншыя мовы, а таксама вывучэннем дакументаў Тэль-эль-Амарнскага архіва, хецкіх законаў, Старога Запавету.