Генрык Ян Яблоньскі (польск.: Henryk Jan Jabłoński; 27 снежня 1909, Стары-Валішаў — 27 студзеня 2003, Варшава) — польскі палітычны дзеяч, гісторык. Член Польскай Акадэміі Навук (1956), замежны член Акадэміі навук СССР (1966). Ганаровы доктар МДУ (1972).
Сябра ПСП з 1931, затым — член ППР і ПАРП з моманту заснавання. Член ЦК ПАРП у 1948—1981. Член Палітбюро ЦК ПАРП ў 1971—1981, кандыдат у члены Палітбюро у 1970—1971. Дэпутат Сейму ў 1947—1989.
Міністр вышэйшай адукацыі ПНР у 1965—1966. Міністр асветы і вышэйшай адукацыі ПНР у 1966—1972. Старшыня Дзяржаўнага савета ПНР 28 сакавіка 1972-6 лістапада 1985 года.
Узнагароджаны ордэнам Дружбы народаў (1974).