Гельмут Ёзэф Міхаэль Коль (ням.: Helmut Josef Michael Kohl; 3 красавіка 1930, Людвігсгафен-на-Рэйне, Баварыя, Германія — 16 чэрвеня 2017, там жа) — нямецкі палітык. У 1969—1976 гадах кіраўнік урада нямецкай зямлі Рэйнланд-Пфальц, у 1982—1998 гадах канцлер Германіі. Доктар філасофіі (1958).
3 1947 член Хрысціянска-дэмакратычнага саюза (ХДС), у 1966—74 старшыня арганізацыі ХДС у зямлі Рэйнланд-Пфальц, у 1973—98 федэральны старшыня ХДС. Дэпутат гарадскога савета Людвігсхафена (1960—66), ландтага зямлі Рэйнланд-Пфальц (1959—76, старшыня фракцыі ХДС у 1963—69), бундэстага (з 1976, у 1976—82 лідар апазіцыі). У 1969—76 прэм’ер-міністр зямлі Рэйнланд-Пфальц. У 1982—98 федэральны канцлер ФРГ. Пры ім адбылося аб’яднанне Германіі (3.10.1990, святкуецца як нацыянальнае свята ФРГ), паглыбілася еўрапейская інтэграцыя, умацаваліся міжнародныя пазіцыі ФРГ, развілося супрацоўніцтва Германіі з краінамі СНД.
Стралец М. Коль // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1999. — Т. 8: Канто — Кулі. — 576 с. — 10 000 экз. — ISBN 985-11-0144-3 (т. 8), ISBN 985-11-0035-8.