Ганьск Первшы
У гэтага тапоніма ёсць і іншыя значэнні, гл. Ганьск. Ганьск Первшы (польск.: Hańsk Pierwszy, да 1967 года — Ганьск, таксама Ганск) — вёска ў Польшчы, за 20 км на паўднёвы захад ад Уладавы і за 60 км на ўсход ад Любліна. Уваходзіць у склад Уладаўскага павета Люблінскага ваяводства, сядзіба гміны Ганьск. Насельніцтва на 2018 год — 959 чалавек.
Гісторыя
Першая захаваўшаяся дакументальная згадка пра Ганьск адносіцца да 1372 года. У дакуменце, які захоўваецца ў Люблінскім дзяржаўным архіве, згадваецца двор, уласнікам якога быў Ян Ганскі. Усе будынкі былі драўлянымі, маёнтак уключаў каля 7500 валок зямлі, у тым ліку лугі, балоты і лясы.
У часы Польскага Каралеўства вёска была цэнтрам ардынацыі Ганскіх, якая налічвала да 10 тысяч моргаў ворнай зямлі. У ваколіцах вёскі захаваліся рэшткі гарадзішча-крэпасці часоў сярэднявечча.
На 1827 год у вёсцы, якая тады была часткай Царства Польскага, быў 81 двор і пражывала 615 чалавек. З 1867 года — у складзе Сядлецкай губерні.
Станам на 10 верасня 1921 года ў вёсцы было 64 дамы (з іх 1 бязлюдны) і 411 жыхароў, з якіх:
- 198 мужчын і 213 жанчын;
- 305 праваслаўных, 88 каталікоў, 10 іўдзеяў, 8 евангельскіх хрысціян;
- 307 «тутэйшых», 86 палякаў, 10 габрэяў, 7 немцаў, 1 чалавек іншай нацыянальнасці[крыніца?].
Да 1967 года вёска насіла назву Ганьск і ўключала ў сябе тэрыторыі цяперашніх асобных вёсак Ганьск Другі і Ганьск-Калонія. У 1954—1972 гадах вёска была сядзібай аднайменнай грамады. У 1975—1998 гадах вёска адміністрацыйна ўваходзіла ў склад Хэлмскага ваяводства.
Сёння мясцовасць мае статус салецтва і з’яўляецца сядзібай вясковай гміны Ганьск, рымска-каталіцкай парафіі Святога Раймунда і Ганьскага дэканата.
Зноскі
Спасылкі
На Вікісховішчы ёсць медыяфайлы па тэме Ганьск Первшы
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Населеныя пункты паводле алфавіта
Катэгорыя·Населеныя пункты Уладаўскага павета
Катэгорыя·Населеныя пункты Люблінскага ваяводства
Катэгорыя·Ганьск (гміна)
Катэгорыя·Артыкулы са сцвярджэннямі без крыніц