У паняцця ёсць і іншыя значэнні, гл. Люблінскае ваяводства (значэнні).
Люблінскае ваяводства — адно з 16 ваяводстваў Польшчы. На ўсходзе яно мяжуе з Украінай і Беларуссю, на поўначы з Падляскім і Мазавецкім ваяводствамі, на захадзе з Свентакшыскім, а на поўдні з Падкарпацкім.
Люблінскае ваяводства займае тэрыторыю 25 122 км² і складаецца з 24 паветаў. Насельніцтва — каля 2,2 млн чалавек (2013). Самыя вялікія гарады Любліншчыны: Люблін (360 000 жыхароў), Хэлм (72 600 жыхароў), Замасць (69 000 жыхароў), Бяла Падляска (59 000 жыхароў), Пулавы (55 000 жыхароў).